ACTIVIDÁ 1 de mayu al 7 de mayu
Dempués de pasar unes selmanes un poco escures, peslláos en casa y sin ver a los amigos y la familia, pocu a pocu, vamos dexando atrás esa etapa escura y recuperando el collor que tanto nos presta.
Esta selmana vos propongo un retu, vamos fabricar un círculu cromáticu con oxetos que tengamos en casa.
Como igual si vos lo pongo así nun sabéis ni de lo que vos falo, equí van dalgunos exemplos...
Si quieres, puedes salir tu en la foto que me tienes que mandar col to círculu cromáticu colos collores de la to vida a faelcarregal@gmail.com indicando el NOME, APELLÍOS Y CURSU
Yo ya fice ún pa que veas que nun ye mui difícil.
**************************************
ACTIVIDÁ del 25 al 31 de mayu
N´Asturies, como vamos ver, el tresporte por ferrocarríl fue muy importante nun solo pa llevar persones sino pa, amás, tresportar mercancíes y materiales como´l carbón dende les cuenques mineres hasta´l puertu de Xixón y pa otros llaos.
Esta selmana vamos ver esta pequeña llectura pa saber un pocoñin más de esti mediu de tresporte tan prestosu.
Dempués de lleelu, fai el cuestionariu calcando EQUÍ.
 |
| (Calca encima pa facelu más grande) |
ACTIVIDÁ QUINCENAL del 11 al 24 de mayu
Actividá: EL CAMÍN ENCANTÁU.
Esta actividá tendrá una duración de 2 SELMANES.
Vamos descubrir una de les rutes mas importantes y diverties que tenemos n´Asturies pa facer un viaxe pela natura perguapu ya increible.
Como ya pudisti adivinar toi falando de "El camín encantáu"
NA PRIMERA PARTE DE LA ACTIVIDÁ vas facer un pequeñu trabayu onde contame tolo qu´averigües de esta ruta onde indiques ente otres coses que tú consideres importantes, les siguientes entrugues:
¿En qué conceyu tá?
¿En qué valle s´alcuentra?
¿En qué llocalidades entama y termina?
¿Cuáles son los seres mitolóxicos que vamos a atopar?
¿Qué distancia hai ente la salida y la llegada?
¿La ruta ye llana o pindia?
¿Qué coses podemos facer o nun facer cuando vamos a andar una ruta de senderismu pa cuidar la natura?
Dempues de facer la to investigación, ¿apetezte dir facer esta ruta?
NA SEGUNDA PARTE DE LA ACTIVIDÁ has de elexir un personaxe mitolóxicu asturianu de los que puedes atopar nesta ruta y buscar un pocu d´información sobre él, asina como facer un dibuxu pa incluyir nel trabayu.
Nel blog voy dexate un llibru sobre seres mitolóxicos n´asturianu, anque hai muncha información tamién n´internet. De xuru que vas facer una trabayu de investigación estupendu.
¿Cómo entregar el trabayu (la parte de la ruta y la de la mitoloxía)?
Puedes facelu nel formatu que quieras: papel, cartulines, un vídeu, nel ordenador, imitando un llibru, en forma de folletu, etc... ye decir, puedes facelu como mas te preste. Fai alcordanza que si nun tienes, por exemplu cartulines, una forma de facer el mural mas grande ye uniendo varios folios con celo.
¡Fixo que te queda muy chulo!
Deberás incluyir la información de la ruta y del ser mitolóxicu, mapa, dibuxus, títulu, decoraciones y to lo que tu quieras pa que quede bien guapu.
Llueu, una vez ternines, tienes que unviámelo en fotos o como quieras al corréu ellectrónicu de siempre faelcarregal@gmail.com PONIENDO EL TO NOME, APELLÍDOS Y CURSU.
Recuerda que más abaxo te dexo el llibru sobre mitoloxía.
Páxines web sobre seres mitolóxicos asturianos:
Si nun te lleves bien coles nueves tecnoloxíes o necesites un gabitu pa buscar la información esta ye una actividá bien chula pa facela en familia.
IMPORTANTE: PODÉIS FACEROS UNA SEMEYA COL TRABAYU Y PÓNGOLA NEL BLOG
CALCA NEL CUADRÁU DE LA ESQUINA DE ENRIBA DERECHA O EL + PA FACELU MÁS GRANDE
CALCA NEL CUADRÁU DE LA ESQUINA DE ENRIBA DERECHA O EL + PA FACELU MÁS GRANDE
Actividaes atrasaes...
Selmana del 27 d´abril al 3 de mayu
Vamos cerrar la selmana del llibru con una actividá bien guapa. Pero antes… mirar el siguiente vídeu…
Pos l'escritor del llibru yá vos dio una pista, vamos lleer “Lin quier esnalar” y dempués vamos escribir un pequenu cuentu nel que tu has de ser el protagonista.
Llee en tientes les instrucciones:
- Primero de too, tenemos que lleer el libru de Aique Fernandi. ¿Cómo lu lleemos si nun lu tengo en casa y nun puedo mercalu agora? Tranquilu, mas abaxo dígote cómo lleelu.
- Tienes que escribir un cuentu nel que'l protagonista llámese como tu.
Esi neñu va tener la posibilidá de volar, asi que,… ¿Qué harias tú si pudieres volar?
Esi ye'l cuentu que teneis qu'escribir. Ah ¡y nun escaezáis d'inventar un títulu.!
Pa entregalu podeis facelo de dos maneres:
** Al traviés d'un formulariu calcando EQUÍ.
** O mandándome lo per corréu electrónicu en formatu Word a faelcarregal@gmail.com
Venga, ¡manes a la obra¡
¿Cómo lleer el llibru?
1. Entra en el siguiente enllace: http://www.digital.pintar-pintar.com/bookcase/combj
2. Agora selecciona los llibros en asturiano.
3. Calca encima del llibru y.... ¡tachán! ya lu puedes ller
SELMANA DEL 20 AL 26 D´ABRIL
Esta semana vamos xugar un poco..... a un xuegu que conocéis mui bien, pero en versión del maestru.
Debeis entrar pinchando EQUÍ.
Teneis que facelo en los intentos que queráis pero trabayar la memoria pa llegar al menos a 70 puntos pa que la actividá sea corréuta.
Deberéis facer una foto col primer intentu y cola vez que llegues a 70 puntos y mandámelo col tu nome y cursu al corréu ellectrónicu:
faelcarregal@gmail.com
SELMANA DEL 13 AL 19 D´ABRIL
*******
Resumen:Formulariu inicial
Cuestionariu La vuelta al mundu n´ochenta díes.
*****
Formulariu inicial pa saber un de los recursos que dispones. Click EQUÍ
Na biblogteca tienes el primer capítulu de La vuelta al mundu n´ochenta díes, lleelu y lluegu contesta al cuestionario que ta EQUÍ.
RECUÉRDOTE QUE PUEDES INTENTAR RESOLVER LOS MISTERIOS DEL DETECTIVE AVILÉS HOLMES Y VER LOS CAPÍTULOS DE EDUCASTUR TV.
Amás, hai un montón de recursos divertidos y entretenidos en el blog, explora un poquitín...
0 comentarios:
Publicar un comentario